गर्भधारणेत टाळायचे अन्नपदार्थ Food to Avoid During Pregnancy.
गरोदरपणात महिलांनी कोणते अन्नपदार्थ टाळावेत? पपई, अननस, कच्चे मांस इ. यामुळे गर्भपाताचा धोका वाढतो. ह्या बद्दल संपूर्ण माहिती जाणून घेऊया.
सारांश Introduction
गर्भधारणा ही स्त्रीच्या आयुष्यातील अतिशय महत्त्वाची आणि संवेदनशील वेळ असते. या काळात आहाराची योग्य काळजी घेतल्यास आई आणि बाळ दोघांचेही आरोग्य सुरक्षित राहते. काही अन्नपदार्थ असे असतात जे गर्भाच्या विकासासाठी घातक ठरू शकतात. या लेखात आपण गरोदरपणात टाळावयाचे अन्नपदार्थ आणि त्यामागची कारणे काय आहेत ते पाहणार आहोत.
1. पपई Papaya
कच्च्या पपईमध्ये 'पेपेन' एन्झाईम असते, हे एन्झाइम गर्भाशय आकुंचनास कारणीभूत ठरते, त्यामुळे गर्भपाताचा धोका वाढतो. विशेषतः गर्भधारणेच्या सुरुवातीच्या दिवसात कच्ची पपई खाणं टाळाव
2. अननस Pineapple
अनन मध्ये असलेला 'ब्रोमेलाइन' एन्झाईम गर्भशयाचे मुख(cervix) नरम करू शकतो, ज्यामुळे अकाल प्रसूतीचा किंवा गर्भपाताचा धोका निर्माण होतो.
3. कच्चे किंवा अर्धवट शिजवलेले मांस uncooked meat
अशा प्रकारच्या मांसामध्ये टॉक्सोप्लाझ्मा, साल्मोनेला, किंवा लिस्टेरिया सारखे जंतू असू शकतात, जे गरोदर मातांसाठी अत्यंत हानिकारक आहेत.
4. पाऱ्याचे /मर्क्युरी प्रमाण जास्त असलेली मासोळी Fish high in mercury
शार्क, स्वॉर्डफिश, टूना,मर्लिन यासारख्या मासळी मध्ये मर्क्युरी (पारा) चे प्रमाण अधिक असते. हे बाळाच्या मेंदूच्या विकासावर विपरीत परिणाम करते.
5. कच्ची किंवा अर्धवट शिजवलेली अंडी Raw or undercooked eggs
अशा अंड्यांमध्ये साल्मोनेला जंतू असण्याची शक्यता असते, ज्यामुळे विषबाधा होऊ शकते.
साल्मोनेला इन्फेक्शन ची लक्षणे
- ताप
- मळमळ वाटणे
- उलट्या
- जुलाब
- पोट दुखणे
6. न धुतलेली फळे व भाज्या Unwashed fruits &vegetables
यामध्ये टॉक्सोप्लाझ्मा, ई. कोली, आणि लिस्टेरिया सारखे जंतू असू शकतात, जे आरोग्यास गंभीर धोके निर्माण करू शकतात.
7. अल्कोहोल Alcohol
गर्भधारणेदरम्यान अल्कोहोलचे सेवन केल्यास फीटल अल्कोहोल सिंड्रोम होण्याचा धोका वाढतो, ज्याचा बाळाच्या शारीरिक व मानसिक विकासावर परिणाम होतो.
8. कॅफीन Caffine
- 1 कप कॉफी
- 2 कप चहा
- 1-2 बॉटल कोल्ड ड्रिंक
- 1 बार डार्क चॉकलेट मधे 30-50 mg कॅफिन असते.
जास्त प्रमाणात कॅफीन चे सेवन केल्यास गर्भपाताचा धोका वाढवू शकतो तसेच बाळाचे वजन कमी होण्यास कारणीभूत ठरते उदा. रेड बुल, ब्लॅक कॉफी, स्टिंग.
9. प्रोसेस्ड व जंक फूड Processed food &junk food
यामध्ये साखर, मीठ व चरबीचे प्रमाण जास्त असल्या कारणाने मधुमेह, वजनवाढ, आणि उच्च रक्तदाब यांसारख्या समस्या होऊ शकतात.जेवणात प्रथिने,लोह,फायबर युक्त कार्बोहाइड्रेट ,फळे,भाजी cha समावेश करावा.
10. कच्चे अंकुर Sprouts
साल्मोनेला व ई. कोली सारख्या जंतूंचा धोका असतो, ज्यामुळे अन्नातून विषबाधा होण्याची शक्यता आणखी वाढते. बियाणे अंकुरित होण्यासाठी दमट वातावरण लागते हे दमट वातावरणात साल्मोनेला बॅक्टरिया च्या वाढीस मदत करते.
11.कच्चे अंडे Raw egg
कच्च्या अंड्या मध्ये साल्मोनेला नावाचे बॅक्टररिया असतात.
12.फळांचा रस Fruit juice
तुम्ही pasteurised आणि साखर न टाकलेला ज्यूस घेऊ शकता. स्टॉल वर काढलेल्या कच्च्या ज्यूस मध्ये बॅक्टरिया असू शकतो ते पिणे टाळावे.
गर्भधारणेदरम्यान योग्य आणि संतुलित आहार घेणे हे बाळाच्या आणि आईच्या आरोग्यासाठी महत्त्वाचे आहे. पालेभाज्या व फळे योग्य प्रकारे धुवून व चांगले शिजवून खाणे आवश्यक आहे. तुम्हाला कोणत्याही आहारविषयक शंका असल्यास डॉक्टरांचा सल्ला घ्या.
internal linking suggestions
pregnancy planning tips